Wir wünschen allen Freunden und Mitgliedern unserer Gmoi ein frohes, gesegnetes Osterfest
Polnsteckn von Adolf Horner
An Karsummint aaf d Nåcht tout ma Polnsteckn gäih.
Woar selwa wöi oft, drümm vagiß i `s aa näi.
Du håust g`åckat uu g`iagnt, uu aaf z` letzt dåu håust gsaat,
uu a Lüfterl håut lind, üwa `s Föld dahii gwaht.
Jå – daa Årwat håust tåu uu håust g`oarwat recht gern,
owa da Segn für daa Såut, siahst, da Segn stäiht ban Herrn.
Drümm steckst Poln aaf daa Föld, daa da Herr drüwagäiht,
waal van Polnzweign am Wegh in Evangölium stäht …
Uu er gäiht üwa `s Föld uu hebt d`Händ uu segnt stüll,
es wächst drüm daa Tråi, wöi `s da Herrgott grod wüll.
In da Åustanåcht am Föld, löiwa Baua, dåu hurch:
`s schreit`t da Herr üwa d` Såut uu segnt da daa Furch.